Inneal-fogharaidh

Is e a tha ann an inneal-fogharaidh beairt àiteachas siubhlach a bhuaineas 's a bhuaileas agus a ghlanas an sile às gach seòrsa arbhair, sìol-òla neo gràine cochallach. Tha iad 'gan draibheadh fhèin mar is trice ach chaidh an tarraing air cùlaibh thractaran o shean cuideachd.

Inneal-fogharaidh

Bhidio drone de inneal-fogharaidh 2022

Chan e buain (gearradh) a-mhàin a nì an t-inneal-fogharaidh ach trì gnìomhan fa-leth:

1. Buain - gearradh an arbhair mar a tha e na seasamh 'san achadh
2. Bualadh - Gus an tig a' ghràin a-mach às na diasan.
3. Glanadh - A' roinneadh na gràine (a tha luachmhor) bhon fhodair agus bhon mholl.

Tha an diagram a leanas a comharrachadh ainmean buill na beairt:

Inneal-fogharaidh fèin-ghluasadach: Leth-shealladh thar an druim-loidhne

1) Ruidhle 2) Gad chorragach 3) Bidhis trusaidh 4) Bann togail 5) Glac na cloiche 6) Druma Bualaidh 7) Ciste bualaidh 8) Carraigeach fhodair 9) Bòrd gràine 10) Gaotharan

11) Criathar uachdar 12) Criathar ìochdar 13) Bann muill 14) Ath-bhualadh na muill 15) Bidhis gràine 16) Drabhailt gràine 17) Gearradair Muill 18) Bothag an atiùireadair 19) Caradair 20) Bidhis Libhrigidh 21) Iomaineach