Colaiste Dhùn Éideann

Is e colaiste foghlaim adhartaich agus àrd-ìre a tha ann an Colaiste Dhùn Éideann, a’ frithealadh Dùn Éideann agus Lodainn. Chruthaicheadh a’ cholaiste san Dàmhair 2012 nuair a chuireadh trì colaistean còmhla: Stevenson, Jewel and Esk, agus Telford.

Tha ceithir prìomh àrainnean aig a’ cholaiste: Granton ann an ceann a tuath Dhùn Éideann; Milton Road ann an ceann an ear; Sighthill ann an ceann an ìar; agus Midlothian ann an Dail Ché, 10km (6 mìle) deas air meadhan a’ bhaile.

Gàidhlig

Tha Gàidhlig air a bhith ga teagasg anns a’ cholaiste airson iomadh bliadhna, a’ dol air ais gu na 1970an. Tha cùrsaichean air astar do luchd-tòiseachaidh agus eadar-mheadhanaich; agus tha clasaichean feasgair ann an Àrd-sgoil St Thomas of Aquin do luchd-ionnsachaidh aig Àrd-ìre agus Àrd-ìre Adhartach.