Fosgail am prìomh chlàr-taice

B' e seachdamh Sultan deug Impireachd nan Otomanach a bh' ann am İbrahim (tiotalan: Kayser-i Rûm - 'Cèasar an Roimhe', İki Kutsal Cami'nin Hizmetkârı - 'Neach-glèidhidh an dà mhosg', Murād-ı Rābi, Istanbul 5 an t-Samhain 1615–Istanbul 18 an Lùnastal 1648).[1] B' e dara mhac Ahmed I agus Kösem Sultan, às A' Ghrèig, a bh' ann.[2] Bha e os cionn na dùthcha bho 1640 gus a chaochail e ann an 1648. Bha e fo bhuaidh agus stiùireadh a mhàthar is cuid a dhaoine eile gu ruige 1632, air sàilleabh gu robh e uabhasach fhèin òg. Bha dubh-choimeasg ann fad bliadhnaichean o chionn ’s nach robh duine sam bi os cionn na stàite. Thug Ioràn ionnsaigh air Ioràc, nochd ar-a-mach ann an Aisia Bheag agus ann an 1631 sheas na Yeniçeri an aghaidh mhinistearan ann an Istanbul. Chuir e a bhràthair-chèile gu bàs anns An Èipheit. Thoirmisg e iomadh rud coirbte. Chuireadh esan fhèin gu bàs duine sam bith a chitheadh a' cleachdadh Alcol, cofaidh agus tombaca.[3] Bha e an aghaidh deoch làidir mar riaghladair ged a dh'òladh e fhèin torr.[4] Cuideachd mharbhadh e mòran dhaoine air adhbharan caran neònach. Thug e ionnsaigh air Ioràn ann an cogadh a mhair bho 1623 gu ruige 1639 agus cheannasaich e Asarbaideàn, Baghdad agus Airmeinia an Iar. Chruthaich sin na crìochan eadar An Tuirc, Ioràn agus Ioràc gus ar làithean. Chuir e gu bàs prìosanaich agus sìobhaltach nam mìltean. Bha deichnear mic agus naoidhnear clann-nighean aige, ach cha do mhair ach còignear clann-nighean an deidh a bhàis.[5] Chaochail e le caitheamh a' ghrùthain nuair a bha e dìreach 27 bliadhna a dh'aois.

İbrahim nan Otomanach
Ibrahim I.jpg
sultan Impireachd nan Otomanach

9 dhen Ghearran 1640 - 12 dhen Lùnastal 1648
Murad IV - Mehmed IV
Beatha
Breith Istanbul, 5 dhen t-Samhain 1615
Dùthaich Impireachd nan Otomanach
Bàs Istanbul, 18 dhen Lùnastal 1648
Àite-adhlacaidh Istanbul
Nàdar a’ bhàis murt duine
Teaghlach
Athair Ahmed I
Màthair Kösem Sultan
Cèile Turhan Hatice
Saliha Dilâşub Sultan
Hüma Şah Sultan
Hatice Muazzez
Càraid Saliha Dilâşub Sultan
Clann
Bràithrean ⁊ peathraichean
Fine Rìgh-shliochd nan Otomanach
Dreuchd
Dreuchd riaghladair
Creideamh
Creideamh Ioslam
Tughra of Ibrahim.JPG

IomraidheanDeasaich

  1. All About Turkey
  2. Peirce, Leslie (1993). The Imperial Harem: Women and Sovereignty in the Ottoman Empire. Oxford: Oxford University Press
  3. Davis, William (1922). A Short History of the Far East. The Macmillan Company
  4. İnalcık, Halil; Imber, Colin (1989). The Ottoman Empire : the classical age, 1300-1600. New Rochelle, N.Y.: Aristide D. Caratzas. p. 99. ISBN 0-89241-388-3.
  5. Disease and Empire: A History of Plague Epidemics in the Early Modern Ottoman Empire (1453–1600). ProQuest. 2008. p. 145. ISBN 978-0-549-74445-0