Lochan na h-Achlaise

Co-chomharran: 56°35′36″N 4°45′01″W / 56.593331°N 4.750409°W / 56.593331; -4.750409

'S e loch ann an Alba a tha ann an Lochan na h-Achlaise neo Lochan na-Hachlich.^[1] Tha e suidhichte ann am Mòinteach Raineach air a' Ghàidhealtachd. Tha Loch Bà san àird a tuath dheth agus Lochan na Stainge is Loch Buidhe san iar-tuath.

Suidheachadh Lochan na h-Achlaise air a' Ghàidhealtachd

Tha an loch mu 0.8 mìle (1.28 km) a dh'fhad agus tha an leud aige beagan nas lugha na 0,75 mìle (1.2 km) aig an àite as leathainne. Tha cumadh gu math neo-chothromach aige. San fharsaingeachd tha e mu 580 slat (531 m) a leud. Tha Lochan na h-Achlaise cho mòr ri 183 acair agus tha an àrainn drèanaidh aige cho mòr ri beagan nas motha na mìle ceàrnagach (2.59 km²). 'S e 9.5 troigh (2.89 m) an domhainneachd mheadhanach aige le 28 troigh (8.5 m) aig an àite as doimhne.^[1]

Tha bàrr uisge an locha mu 771 troigh (235 meatair) os cionn na mara. Tha torr eileanan mòra is beaga ann an Lochan na h-Achlaise. Sruthaidh an t-uisge a-mach às an loch seo chun an ear-thuath tro allt fo dhrochaid A82 do Loch Bà.

Tha an A82 a' dol seachad air taobh an ear an locha.

Iomraidhean deasaich

↑ ^1.0 ^1.1 Murray, Sir John and Pullar, Laurence (1910) Bathymetrical Survey of the Fresh-Water Lochs of Scotland, 1897-1909. "Lochs of the Tay Basin", td 61-62, Iom-leabhar II, Pàirt I. Leabharlann Nàiseanta na h-Alba.

Ceanglaichean a-mach deasaich

Tha dealbhan ann an Wikimedia Commons cuideachd a tha ceangailte ris an aiste seo:

Lochan na h-Achlaise

Mapa an locha Bathymetrical Survey of the Fresh-Water Lochs of Scotland (1910).
Gazeteer for Scotland

[Murray-1] 1.0 ^1.1 Murray, Sir John and Pullar, Laurence (1910) Bathymetrical Survey of the Fresh-Water Lochs of Scotland, 1897-1909. "Lochs of the Tay Basin", td 61-62, Iom-leabhar II, Pàirt I. Leabharlann Nàiseanta na h-Alba.

[1]